Բարբարա Էնն Սքոթ
| Բարբարա Էնն Սքոթ | |
|---|---|
.jpg) | |
| Անձնական տեղեկություն | |
| Սեռ՝ | իգական |
| Մասնագիտացում՝ | գեղասահորդուհի |
| Երկիր՝ | .svg){kind=small} Կանադա |
| Ծննդյան ամսաթիվ՝ | մայիսի 9, 1928[1][2][3][…] |
| Ծննդավայր՝ | Օտտավա, Կանադա |
| Մահվան ամսաթիվ՝ | սեպտեմբերի 30, 2012[4][1][2][…] (84 տարեկան) |
| Մահվան վայր՝ | Fernandina Beach, Ֆլորիդա, ԱՄՆ |
Բարբարա Էնն Սքոթ (անգլ.՝ Barbara Ann Scott, մայիսի 9, 1928[1][2][3][…], Օտտավա, Կանադա - սեպտեմբերի 30, 2012[4][1][2][…], Fernandina Beach, Ֆլորիդա, ԱՄՆ), կանադացի գեղասահորդուհի, որ հանդես է եկել կանանց մենասահքի կարգում։ 1948 թվականին Սանկտ Մորիցում դարձել է Օլիմպիական խաղերի չեմպիոն։
Կենսագրություն
[խմբագրել | խմբագրել կոդը]Բարբարա Էնն Սքոթը չմշկասահքով զբաղվել սկսել է դեռևս մանկության տարիներին։ Տասնմեկ տարեկանում առաջին անգամ հաղթել է Կանադայի մանկական առաջնությունում։ Երկու տարի անց՝ 1942 թվականին, տասներեք տարեկան հասակում նա դարձել է առաջին կինը, որը մրցութային ծրագրում ներառել է կրկնակի լուտցը։
1945-1948 թվականներին հաղթել է Հյուսիսային Ամերիկայի գեղասահքի բոլոր առաջնություններում։ 1947 թվականին դարձել է առաջին հյուսիսամերիկուհին, որը հաղթել է Եվրոպայի առաջնությունում և աշխարհի առաջնությունում։ Կանադայում նա դարձել է ազգային հերոսուհի։ Հայրենի քաղաքը՝ Օտտավան, նրան նոր մեքենա է նվիրել, սակայն նա հրաժարվել է նվերից՝ սիրողական կարգավիճակը պահպանելու համար։
Սանկտ Մորիցում (Շվեյցարիա) 1948 թվականին կայացած Ձմեռային օլիմպիական խաղերում Բարբարա Էնն Սքոթը դարձել է Կանադայի առաջին ներկայացուցիչը, որը նվաճել է ոսկե մեդալ գեղասահքում։
1945, 1947 և 1948 թվականներին Բարբարա Էնն Սքոթը՝ որպես Կանադայի լավագույն մարզիկ, պարգևատրվել է «Lou Marsh Trophy» մրցանակով։ Նրա անունը 1948 թվականին ընդգրկվել է Կանադայի օլիմպիական փառքի սրահում, 1955 թվականին՝ Կանադայի սպորտային փառքի սրահում, 1966 թվականին՝ Օտտավայի սպորտային փառքի սրահում, 1991 թվականին՝ Կանադայի գեղասահքի փառքի սրահում, իսկ 1998 թվականին՝ Կանադայի փառքի ծառուղում[5][6][7]։
1948 թվականի Օլիմպիական խաղերից անմիջապես հետո Սքոթը համալրել է պրոֆեսիոնալների կազմը։ «Հոլիվուդյան սառցե ռևյու»-ի հետ Չիկագոյում հանդես գալիս նա հանդիպել է հրապարակախոս Թոմ Քինգին, ում հետ ամուսնացել է 1955 թվականին։
Նկարահանվել է հեռուստատեսային մի քանի ֆիլմերում և սերիալներում՝ հիմնականում կամեո դերերում, վերջին անգամ՝ 1997 թվականին «Life and Times» (հայերեն՝ Կյանք և ժամանակ) փաստագրական կենսագրական սերիալի՝ իր կենսագրությանը նվիրված սերիայում, որը կոչվում էր «Queen of the Blades: The Life and Times of Barbara Ann Scott» (հայերեն՝ Ածելիների թագուհին։ Բարբարա Էնն Սքոթի կյանքն ու ժամանակը)[8]:
1998 թվականին Բարբարա Էնն Սքոթը դարձել է Կալգարիի Օլիմպիական խաղերից առաջ օլիմպիական կրակը տանող ջահակիրներից մեկը։
1991 թվականին Սքոթին շնորհվել է Կանադայի շքանշանի սպայի (Կանադայի բարձրագույն քաղաքացիական պարգև) կոչում։
2009 թվականի դեկտեմբերին Վանկուվերի 2010 թվականի Ձմեռային օլիմպիական խաղերի նախաշեմին նա տարել է օլիմպիական ջահը Կանադայի Պառլամենտի բլրի վրա[9]։
2010 թվականի փետրավրի 12-ին Բարբարա Էնն Սքոթը Վանկուվերի Օլիմպիական խաղերի բացման արարողության ժամանակ եղել է օլիմպիական դրոշի ութ կրողներից մեկը[10]։
1996 թվականին նա ամուսնու հետ տեղափոխվել է Ամելիա-Այլենդ կղզի (Ֆլորիդա, ԱՄՆ)[11], որտեղ մահացել է 2012 թվականի 84 տարեկան հասակում[12]։
Սպորտային նվաճումներ
[խմբագրել | խմբագրել կոդը]| Մրցաշարեր/Սեզոններ | 1941 | 1942 | 1944 | 1945 | 1946 | 1947 | 1948 |
|---|---|---|---|---|---|---|---|
| Ձմեռային օլիմպիական խաղեր | 1 | ||||||
| Աշխարհի առաջնություններ | 1 | 1 | |||||
| Եվրոպայի առաջնություններ | 1 | 1 | |||||
| Կանադայի առաջնություններ | 2 | 2 | 1 | 1 | 1 | 1 | |
| Հյուսիսային Ամերիկայի առաջնություններ | 1 | 1 |
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Internet Movie Database — 1990.
- ↑ 2,0 2,1 2,2 2,3 2,4 Encyclopædia Britannica
- ↑ 3,0 3,1 L'Encyclopédie canadienne, The Canadian Encyclopedia
- ↑ 4,0 4,1 4,2 Canadian figure skating legend Barbara Ann Scott dies // CBC — 2012.
- ↑ «Barbara Ann Scott should light Olympic flame». ottawasun.com. Ottawa Sun. 2009 թ․ նոյեմբերի 26. Արխիվացված է օրիգինալից 2011 թ․ փետրվարի 7-ին. Վերցված է 2010 թ․ դեկտեմբերի 17-ին.
- ↑ Danilov, Victor J. (1997 թ․ նոյեմբերի 1). H all of fame museums: a reference guide. Greenwood Publishing Group. էջ 220. ISBN 978-0-313-30000-4.
- ↑ «Barbara Ann Scott». oshof.ca. Արխիվացված է օրիգինալից 2014 թ․ դեկտեմբերի 29-ին. Վերցված է 2014 թ․ սեպտեմբերի 24-ին.
- ↑ Բարբարա Էնն Սքոթ (անգլ.) Internet Movie Database կայքում
- ↑ Barbara Ann Scott takes Olympic Torch to House of Commons Արխիվացված 2009-12-13 Wayback Machine (անգլ.)
- ↑ «Жак Вильнёв принял участие в церемонии открытия Олимпиады». Արխիվացված է օրիգինալից 2010 թ․ փետրվարի 16-ին. Վերցված է 2010 թ․ մարտի 8-ին.
- ↑ Olympic gold ~~ Canadians still carry torch for local woman Արխիվացված 2013-01-22 archive.today
- ↑ Barbara Ann Scott dies at 84 Արխիվացված 2012-10-04 Wayback Machine
 | Վիքիպահեստն ունի նյութեր, որոնք վերաբերում են «Բարբարա Էնն Սքոթ» հոդվածին։ |
| ||||||||||
